Hasude e Pjekur

Hasude e Pjekur

Hasudeja është një ëmbëlsirë shqiptare, eshte e thjeshtë dhe e lirë,  pa shumë shpenzime.

Baza per gatimin e Hasudes eshte  niseshteja , është e veçantë në shije dhe pëlqehet për pjesën e jashtme që rezulton krokante, ndërsa brenda e butë dhe e shkrifët.

 ingredientet për hasudenë:

·         2 gota e 1/2 ujë

·         1 gotë e 1/2 sheqer

·         niseshte 1 gotë

·         gjalpë 80 gr

·         1 e verdhë veze

·         kanellë dhe arra sipas dëshirës

Si te pergatisim Hasude-n:

Marim nje tenxhere të thellë vendosim 1 gotë e 1/2 ujë, sheqerin e gjalpin dhe  e lëmë të bjerë në valë.

Në një tas të thellë hedhim gotën tjetër të ujit ku tresim gjithë sasinë e niseshtes. Në momentin që uji bie në valë bashkojmë niseshten dhe trazojmë me lugë druri, derisa masa të trashet dhe të shkëputet nga anët e tenxheres. Nëse duam të shtojmë kanellë dhe arra, e bëjmë 1 moment përpara se të hedhim niseshtenë në ujin e valuar.

Marim nje tave dhe shtrojmë Hasuden, e lyejmë në sipërfaqe me të verdhë veze të përzier me 1 lugë ujë dhe e fusim në furrën e paranxehur në temperaturë 200-210°C, derisa të formojë njëfare koreje në sipërfaqe apo cipe të kuqerremtë.